Unha ducia de fitos da animación galega

(Ducia publicada en Praza o 25 de febreiro do 2012)

O cinema galego de animación está estes días de noraboa polos premios Goya que acadaron a curtametraxe Birdboy e a longametraxe Engurras, que ademais se reestrea nas salas de cine este venres. Non son os primeiros, nin serán os últimos. Velaquí 12 mostras de como a animación, infantil ou adulta, amateur ou profesional, indie ou comercial, longa ou curta, é un dos nosos maiores potenciais artísticos. E, de paso, un feixe de pelis para ver en familia a fin de semana.